Croeso
Croeso i wefan Ombwdsmon y Gronfa Diogelu Pensiynau (PPFO).
Ystyriwn geisiadau’n ymwneud â’r canlynol:
- Penderfyniadau a wnaed gan Bwrdd y Gronfa Diogelu Pensiynau (PPF) o dan eu gweithdrefnau mewnol. Mae dau fath o gais yn ymwneud â phenderfyniadau PPF:
Penderfyniad am fater y gellir ei adolygu. Cyfeiriadau yw’r term a ddefnyddiwn am y rhain.
Penderfyniad am gŵyn ynghylch camweinyddu yn achosi
anghyfiawnder. Cwynion yw’r term a ddefnyddiwn am y rhain.
- Apeliadau yn erbyn penderfyniadau a wnaed gan y Rheolwr Cynllun o dan weithdrefn adolygiad mewnol y Cynllun Cymorth Ariannol (FAS) Apeliadau yw’r term a ddefnyddiwn am y rhain.
Mae ein gwasanaeth yn rhad ac am ddim.
Mae ein gwefan yn dweud mwy wrthych:
- amdanom ni fel sefydliad;
- pwy sy’n cael gwneud cwyn;
- yr hyn y gall yr Ombwdsman ymchwilio iddo a'r hyn nad yw'n gallu ymchwilio iddo;
- ein prosesau.
Gallwch weld penderfyniadau ffurfiol (a elwir yn “Penderfyniadau”) y mae’r Ombwdsmon wedi’u gwneud yn y fan hyn.
Ystyriwn geisiadau heb gymryd ochr.
Sefydlwyd y PPFO drwy Ddeddf Seneddol a ddaeth i rym yn Ebrill 2005. Gallwchweld y pwerau a darpariaethau statudol sy’n ein rheoli yn adran 209 Deddf Pensiynau
2004 (fel y’i diwygiwyd). Ategir y rhain gan reoliadau.
Y PPFO yw’r person a benodir gan yr Ysgrifennydd Gwladol. Tony King yw’r PPFO ar hyn o bryd. Gall yr Ysgrifennydd Gwladol hefyd benodi Dirprwy PPFO sydd â’r un pwerau â’r PPFO. Jane Irvine yw’r Dirprwy PPFO ar hyn o bryd.
Mae’r PPFO yn penodi staff i helpu i gynnal archwiliadau a chyflawni ei swyddogaethau. Ar hyn o bryd mae tua 35 o staff yn cael eu cyflogi mewn amryw o rolau.
Mae unrhyw benderfyniad gan y PPFO neu’r Dirprwy’n derfynol ac yn rhwymol yn gyfreithiol ar bob parti i gais.
Os bydd angen rhagor o wybodaeth yn y Gymraeg am ein gwasanaethau, mae croes i chi gysylltu â ni.
Y Gronfa Diogelu Pensiynau (PPF):
Ei rôl yw rhoi iawndal i aelodau cynlluniau pensiynau cymwys, pan nad oes digon o asedau yn y cynllun pensiynau i dalu lefel iawndal y PPF. Am ragor o wybodaeth ewch i wefan y PPF.
Y Cynllun Cymorth Ariannol (FAS):
Mae’r FAS yn cynnig cymorth i rai pobl sydd ar eu colled o ran eu pensiwn oherwydd eu bod yn aelod o gynllun pensiwn diffiniedig a arianwyd yn rhy isel a ddechreuodd ddirwyn i ben rhwng 1 Ionawr 1997 a 5 Ebrill 2005. I gael rhagor o wybodaeth ewch i wefan FAS.
